أنا بشرح لكم حزني وحزني من صدى الوجدان\\اذا غاب الحزن عني مسحت دموعي بأيدية

أنا بشرح لكم حزني وحزني من صدى الوجدان
اذا غاب الحزن عني مسحت دموعي بأيدية



أنا مجروح في جوفي وصوتي للألم عنوان
ونفسي ماتعاف الصبر وهي بالحزن مشرية



أسافر في تعب عمري مابين الشوق والحرمان
أصارع موجه العاتي واغوص في دنيا وردية



أنا ببقى على الشاطئ وله أو شوق أوتحنان
أعالج به دموع العين واخفف حزني شوية



أنا شمعه في عين الليل وقلبي شايل الأحزان
وعيني ماتذوق النوم وروحي دوم منسية



يذوب النور في عيني وأضيع مهرة الألوان
وأنا أصيح بالليل وأقول ترا هالدنيا وهمية



أنا لوحة حزن تبكي عجز عن رسمها فنان
وضاعت كل ألواني وصارت بس رمادية



رماني موج أفكاري وحزني لو يشوفه انسان
تمنى الموت قبل الليل وشاف الموته عادية



أنا مركب غرامي تاه في الدنيا بلا ربان
رماه الموج في صحراء بها شطأن رملية



وتاهت جملة أفكاري مابين الذكرى والنسيان
وضاعت كل خطواتي في ليلة برد شتوية



وشلت أشواقي وجروحي أوالفها على الميدان
أخاف أشواقي تغلبني وتجبرني على الجية



ورديت أرسم أحزاني وأسمع أعذب الألحان
عسى ينزاح حزن الأمس وألاقي درب حرية



سمعتم حرفي الدايم وشفتم لوعة الحيران
عسى يرتاح المجروح ويلقى أفراح تالية

شكلك كررت آلموضوع مرتين

ينقل للآرشيف

وشكرآ