رمضان جاء اعقلوا !!

هلا والله

وشخبارك كل احد

هالموضوع ربي معسر أمره كل ماكتبته يايطير يا أتنسى فيه فيه و أسكر الصفحه !!


رمضاان الخير



منذوو نعومه أظافرنا وحنا هالشهر الفضيل مقدس عندنا

من أيام الإبتدائي واكتبي خمس اسطر تعبرين فيها عن رمضاان خخخخخخخ

الله يعيده علينا عام ورا عام



أكيد شهر رمضان غير وفيه الأجر مضاعف وكذا

بس عاد يرتفع ضغطي من اللي ينافقون أو يبالغون

فيه ناس ماشاء الله عليها تتعبد و تقرأ و تصلي علشان الله ولا جابوا خبر الناس

وفيه ناس الله يخلف على أماً جابتهم

يروحون يصلون بالتروايح علشان بنات الجيران ما يطلعون أحسن منهم ولا يقرون القرآن يبون يتسابقون

وهااتك تحديات

ودي أمسكهم و أقول هيييه أنتوو عيب ما يصلح

دامكم بتسوون الشيء سووه على سنع ولا لا تسونه <<< متأثره


وش الفايده بالله اقطع نفسي وأكرفها علشان الناس من زينهم << ريال


حوار أسري :

أمي : هلول هالرمضان شدي حيلك روحي التراويح معنا واتركي عنك العجز

هلاليه : ياويلي من اللحين بديتوا تقرقون !!

أمي : من اللحين ويالله يفيد

هلاليه : طيب يعني تبيني أروح معك كل يوم للتراويح وإذا جت العشر الأخيره أروح معك تراويح و قيام بعد

أمي : إيه

هلاليه: طيب يومااه ليش يعني تبيني أروح بالذات معك الأجر في كل المساجد

وش يشكي منه المسجد اللي جنبنا فيه مكرفون وكل مايحتاجه المصلي لازم يعني أضرب مشوار معكم لأم الحمام علشان الكلباني

أمي : وشوله تروحين لمسجد ثاني روحي معنا أنا وخالتك وعمتي قطعتوا وجهي دايم يقولون لي وين البنات الله يهديهم

هلاليه: اهاا علشان كذا يأم هلاليه>>>ماتبي تقول اسمها تبيني أروح معك اثر السالفه فيها خالتي وعمتي

أمي : إيه و لا تنسين الأجر

هلاليه : صبراً جميل والله المستعان بفضفض لك يومااه افهميني

أمي : وش عندك

هلاليه : اللحين حتى لو كنت ناويه أروح معكم للصلاه بهون !!

ماعندي إستعداد أروح علشان فلانه وعلتانه ماحب كذا

أمي : ماقلنا عشانهم بس روحي معي

هلاليه: من غير ماتقولين مخي فهمها
صح إني ماقد رحت للتراويح الله مير يهديني

بس وش حليلي أروح للقيام !! مو لازم أروح للكلباني
بروح للي أرتاح معهم في الصلاه

وخالتي وعمتي بكيفهم عقلهم في راسهم وعقلي براسي << لا تدققون على الحوار


كأي حوار أسري ينتهي بدون نتيجه

خلونا صريحين شوي مانبي أقنعه
وجه يقولكم فصخوووا الأقنعه

هالشيء بحياتنا كثير المجامله والأشياء اللي زي كذا صايره ياكثرها

بعض الناس معد عندهم هدف بس كذا أهم شيء يشوفونهم الناس و يمدحون شغلهم

واخرتها ؟ وش بيفيدني المدح ؟

أحب أسوي الشيء من صماصيم قلبي ولا ماله داعي أسويه

أوفر وقتي و أوفر وقت غيري

تدرون إن داء المجامله وصل للمنتديات ؟

خصوصاً مع البنرات

بعض العالم معد يهمها مضمون الفعاليه قد مايهمها تتمقل ببنر بالصفحه الرئيسيه عن الفعاليه

وكل العالم يقولون ماشاء الله لا إله إلا الله

حتى لو إنهم مغششين المشاركين خاص !! علشان يرضون الإداره ومايقولون مقصرين

و يقولون أطلق فعاليه بالعالم

سلامات ؟

........ ........ وكل الإداريين

على قص رقبتي أسوي شيء بس علشان ترضون <<< بنطق

مو على شيء بس ماحب أغشكم وكذا

حتى بعض الأعضاء يشاركون علشان يزودون مشاركاتهم بس

سلامات وش ابي بالعدد إذا كانت المشاركات هباب !!



<<< هواجيس وحبيت أشاركم فيها



\\ وش عندها هلاليه هي وهواجيسها \\




- نبي منكم تعبير بخمس اسطر عن رمضان << ريال


- رسايل الجوال ادهرت كلها تهاني برمضان وابشركم مارديت على أحد << ياقوي وجهي

راح حمااس الرسايل ممكن أرسل التهاني اللي تضحك بس


دوكم وحده واعتبروني هنيتكم :

مستحيل تشرق الشمس وماتضويكم ومستحيل يوصل رمضان و" هلاليه" ماتهنيكم


< الله من النصب لحد يسئلني عن معنى الشطر الأول لأني مدري وش معناه أهم شيء هنيت << مب تذب على اللي يجاملون ابد


- دام رمضان جاء صفوا النيه وماعليكم من الناس ألزم ماعليكم ربكم عاد مو تعقوون أهلكم وتقولون هلاليه قالت <<


- الشغل و أي شيء نسويه بحياتنا بدون نفس أو بالضغط ماراح يكون له أصداء طيبه


- صلوا التراويح والقيام مع الكلباني أمي تمدحه مره

و روحوا قولوا لخالتي وعمه أمي إنكم صديقات هلاليه

علشان يقولون عرفت تصادق بنتك يا أم هلاليه

مشكووور على المرور

يسلم وآلله ع آلموضوع آلرآئع

وآن شآء آللهدوم تتحفينآ بجديدكـ

مشكوووووورين على المرور المميز

يسلمووووووووووووووووو

,, عجبنننيي كلامك مووووره $ّّّ~

<<<<<<<<<<<<<<<<

ولو جينا للصدق ,, هذا الي ساير هالايام

المجاملات الي مال امها داعي ,,والرياء ,, ارتفع سوقهم هالايام

بس مانقوول الا الله يهديهم ,,
,,(هالناس ),,

مشكووورين على المرور المميز

يسلمووووو يالغالية